Siglir tar il cuntegn

Exteriur Per campiunadi mundial en l’Africa dal sid è vegnì unschì

Tar la surdada dal campiunadi mundial da ballape en l’Africa dal sid èsi vegnì unschì. Quai ha confessà l’anteriur funcziunari da la FIFA e perditga principala dal FBI, Juck Blazer.

L'anteriur funcziunari da la FIFA Chuck Blazer
Legenda: L'anteriur funcziunari da la FIFA, Chuck Blazer . Reuters

Il FBI ha publitgà la mesemna in protocol da 40 paginas cun indicaziuns che Chuck Blazer aveva fatg durant sia interrogaziun il 2013 en connex cun la corrupziun en la FIFA.

E scoi para n’hai betg mo dà irregularitads avant la surdada dal campiunadi mundial en l’Africa dal sid dal 2010, mabain gia avant tar la surdada dal campiunadi mundial en Frantscha il 1998.

Acceptà daners da corrupziun

Chuck Blazer ha dà tiers d'avair acceptà daners da corrupziun avant las surdadas dals campiunadis mundials da ballape 1998 en Frantscha e 2010 en l'Africa dal sid. Auters commembers da la FIFA hajan fatg il medem, uschia Blazer.

Mardi saira è il president da la FIFA, Sepp Blatter sa retratg surprendentamain da ses post.

RR novitads 09:00