Siglir tar il cuntegn

Header

cuntegn

Exteriur Percy Sledge è mort

Il chantadur da soul Percy Sledge, enconuschent cun sia chanzun "When A Man Loves A Woman", è mort en la vegliadetgna da 73 onns. Il chantadur saja mort a chasa. El haja patì pli ch'in onn da cancer ha communitgà l'agent da Sledge.

Percy Sledge aveva registrà sia chanzun la pli renomada il 1966. Almain 80 giadas è la chanzun vegnida interpretada d'ulteriurs interprets. Tenor la legenda haja Sledge scrit questa chanzun trista perquai che sia amia aveva bandunà el.

Sledge è creschì sin en il stadi dal sid Alabama ed ha lavurà l'emprim sin il funs enturn sia citad natala Leighton. Pli tard è el vegnì tgirunz ed en ses temp liber ha el chantà. In pazient ha preschentà el ad in producent e lez ha lura registrà il hit mundial. Avant 10 onns è Percy Sledge vegnì prendì si en la Rock and Roll Hall of Fame.

RR novitads 18:00

Artitgels legids il pli savens