Gia la segunda votaziun da confidenza che fa naufragi
Il primminister da la Spagna Mariano Rajoy ha era pers la segunda votaziun da confidenza per fundar ina nova regenza. En il parlament a Madrid han 180 dals deputads votà encunter el. 170 deputads han dà la vusch a Rajoy. Las partidas han ussa anc 2 mais temp per sa cunvegnir sin in candidat. Sche quai na reussescha betg vegni il december tar ina terza elecziun dal parlament en Spagna.
Pers l'emprima votaziun da confidenza avant paucs dis
Il primminister da la Spagna Mariano Rajoy ha gia stuìmagunar avant paucs dis ina terrada. Rajoy ha pers l'emprima votaziun en il parlament a Madrid per sia reelecziun. Cunquai che las bleras partidas da l'opposiziun avevan refusà da sustegnair Rajoy aveva il politicher da 61 onns fatg mo 170 vuschs ed uschia manchentà en l'emprim scrutini il pli absolut da 176 vuschs.180 depudads e depudadas avevan vuschà encunter Rajoy.
La Spagna sto uschia suenter pli che 8 onns spetgar vinavant sin ina nova regenza.
RR novitads 22.00