Exteriur - Persunal da cabina da Lufthansa smanatscha cun chauma
Ils flight attendants da la Lufthansa smanatschan da far chauma a partir dal venderdi. Sche la societad aviatica laschia scader l'ultim termin e na vegnia betg encunter a las pretaisas dal sindicat, lura vegnia fatg chauma durant in'emna, annunzia il sindicat.
Tge sgols che na vegnian betg ad esser pertutgads communitgeschia il sindicat a curta vista.
Cumbat per tariffas da la pensiun anticipada
Il sindicat cumbatta en emprima lingia cunter tagls da la pensiun anticipada per ils 19’000 flight attendants da la Lufthansa. La fin d’emna passada eran discurs latiers dads en l’aua.
En la dispita da tariffa, che dura entant gia dapi 2 onns, fiss quai la prima chauma dals flight attendants da la Lufthansa.
