Donald Trump pronlunghescha il stop d'immigrar en ils Stadis Unids fin la fin da l'onn. Sco raschun inditgescha la regenza americana l'auta dischoccupaziun pervi da la pandemia da Covid-19. Il stop pertutga cunzunt persunas che vulan ina green card per pudair restar a lunga vista en il pajais.
Vitiers suspendan ils Stadis Unids divers visums da lavur – per exempel per scienziads u per inschigners che vulan lavurar durant in tschert temp en il pajais.