Siglir tar il cuntegn

Header

cuntegn

Pervi dal Covid-19 Italia serra stiziuns ed ustarias

En l'Italia vegnan quasi tuttas stizuns ed ustarias serradas per restrenscher la derasaziun dal coronavirus. Quai ha declerà il primminister Giuseppe Conte. Restar avert dastgan sulettamain stizuns da mangiativas ed apotecas. Furniziuns a chasa èn lubidas vinavant. L'effect da questas mesiras vegnia ad esser visibel en duas emnas. En l'Italia valan dapi glindesdi restricziuns da la libertad da sa mover.

En il pajais èn s'infectadas fin ussa (stan 12-03) 12'462 persunas e 827 persunas èn mortas pervi dal virus. Tenor experts dettia dentant segir in aut dumber zuppà. En l'Austria vegnan ussa las persunas che derivan da l'Italia controllads als cunfins.

Appel da far sforz per cumbatter coronavirus

Il secretari general da l'ONU, Antonio Guterres, ha appellà da sa stentar dapli en il cumbat cunter il coronavirus. El appelleschia a scadina regenza da sa participar e d'extender las stentas, ha ditg Guterres a New York. I saja ina crisa che tutgia mintgin, perquai stoppian tuts giugar lur rolla. Guterres pretenda dapli senn da responsabladad e solidaritad en spezial per ils pli vulnerabels. Vinavant duain ins desister da derasar a moda virala tema e stigmatisaziun.

Ord l'archiv (Tagesschau tud.)

Video
Coronavirus: Italia blocchescha zonas
Or da Tagesschau dals 10.03.2020.
laschar ir

RTR novitads 06:00

Artitgels legì il pli savens

Nach links scrollen Nach rechts scrollen