Siglir tar il cuntegn

Header

cuntegn

Pervi dal svilup en l'Ungaria 13 stadis da l'UE fan quitads per la democrazia

13 stadis commembers da l'Uniun europeica fan quitads che las mesiras en il cumbat cunter il coronavirus pudessan violar il stadi da dretg, la democrazia e valurs fundamentalas. Quai resulta d'ina decleraziun ch'ils Pajais Bass en publitgà en il num da la Germania, la Frantscha, la Belgia, il Danemarc, la Finlanda, la Grezia, l’Irlanda, l’Italia, il Luxemburg, il Portugal, la Spagna e la Svezia.

Nus stuain surmuntar questa crisa communablamain e sin questa via stimar communabel noss princips e nossas valurs europeicas.
Autur: Plirs pajais da l'UEdecleraziun uffiziala

Cumulaziun da pussanza en l'Ungaria

Tras la crisa da la pandemia ha il president da l'Ungaria, Viktor Orban, dapi l'entschatta da l'emna il dretg da reger cun decrets e senza stuair consultar il parlament. Tranter auter vegn chastià, tgi che derasa faussas infurmaziuns. Quai valiteschan schurnalistas e schurnalists sco smanatscha vers rapports critics sur da la regenza ed il president.

Cumissiun vul observar exact las mesiras

L'Ungaria na vegn betg numnada concret en la decleraziun. I ha dentant num che mesiras d'urgenza stoppian vegnir limitadas sin il minimum necessari e na duain betg cuntrafar a la libertad da manifestar l'atgna opiniun u a la libertad da pressa. Perquai beneventan ils 13 stadis era l'annunzia da la cumissiun da l'Uniun europeica d'observar exact las mesiras d'urgenza dals stadis commembers.

Ord l'archiv

video
Ungaria: Dapli cumpetenzas per president Orban
Or da Tagesschau dals 30.03.2020.
laschar ir

RTR novitads 06:00

Artitgels legids il pli savens

Ir a sanester Ir a dretg