Las Naziuns Unidas e l'Uniun Europeica han survegnì ad ina conferenza da donaturs bun 1,3 milliardas francs per l'Africa da l'Ost. Quests daners duain servir per l'agid d'urgenza e l'agid al svilup. En l'Africa da l'Ost pudessan murir actualmain fin dus milliuns uffants da la fom, ha ditg il coordinatur per l'agid d'urgenza da l'ONU.
Ils umans en la Somalia, l'Etiopia e la Kenia sajan confruntads cun la sitgira la pli pira dapi radund 40 onns. Uschia sajan en fugia ina gronda part da las populaziuns localas. Questa donaziun duess gidar la populaziun en las regiuns pertutgadas, cun furnir mangiativas, raps ed agid medicinal. Era pavel e medischina per animals duessan vegnir finanziads cun questa summa.
audio
Per tadlar: curt e cumpact
ord RTR Audio dals 27.04.2022.
laschar ir. Durada: 4 minutas 18 Secundas.