Legenda:
Sco qua sin il flum Neva amez St. Petersburg è pestgar sin il glatsch in passatemp popular (dentant fraid, perquai sa stgaudan els cun plastic e fieu) per milliuns dad umens russ.
Keystone
cuntegn
Exteriur - Pestgà 118 pestgaders giu dal glatsch en Sibiria
Ina squadra da salvament russa ha gidà a 118 pestgaders bloccads sin in toc da glatsch. Els pestgavan sin il lai da fermada da Beresowskoje en vischinanza da Krasnojarsk en Sibiria, ch’il toc è vegnì liber dal glatsch franc.
Il glatsch haja sa muventà radund 250 meters davent da la riva annunzia l'agentura da novitads Interfax. Ils umens sajan tuts en gamba suenter il salvament.
Legenda:
Cun fieu e plastic cunter fradaglias sibiricas –
uschia sa provan ils russ da sa tegnair chaud durant la pestga sin il glatsch.
Keystone
Ir a pestgar sin il glatsch fan milliuns d'umens russ per curturella. Perquai ston ils gidanters mintga primavaira ir a pestgar ils pestgaders giu da tocs da glatsch che lieuan. Per gronda part n’han quests cas d’urgenza betg consequenzas pli grevas.
