Siglir tar il cuntegn

Exteriur Pfizer: Nagin tissi pli per execuziuns

Il pli grond concern da farmazia dals Stadis Unids na vul betg pli furnir meds per execuziuns en ils Stadis Unids.

Chombra
Legenda: En ils Stadis Unids n'èsi strusch pli pussaivel da chattar meds per squittas da tissi. Keystone

Il concern da farmazia Pfizer na vul betg pli che ses meds vegnan duvrads per execuziuns en ils Stadis Unids. Per tscherts products che vegnan duvrads u almain considerads per squittas da tissi valan en l’avegnir reglas pli rigurusas da furnir.

Pfizer refuseschia che ses products vegnian duvrads sco injecziuns mortalas tar execuziuns, ha communitgà il pli grond concern da farmazia dals Stadis Unids.

Tenor la gasetta «New York Times» ha uschia er il davos furnitur da tals meds scumandà da duvrar ses products per execuziuns. Avant Pfizer avevan passa 20 concerns da farmazia europeics ed americans decis da far quest pass.

RR novitads 06:00