Il cusseglier dal stadi Pierre-Yves Maillard (PS, VD) ha gudagnà la cursa cunter la cussegliera naziunala Barbara Gysi (PS, SG). Delegadas e delegads da l'Uniun sindicala svizra han elegì Maillard cun 115 da 212 vuschs – Gysi ha fatg 82 vuschs.
Maillard succeda a Paul Rechsteiner ch'è sa retratg sin la fin da november. El cumenza sia lavur en il presidi tranter il matg e zercladur.
Commembers «gronds» han decidì
Da las 14 federaziuns commembras a l'Uniun sindicala svizra èn s'exprimidas per Barbara Gysi l'associaziun dal persunal da la Confederaziun, ils sindicats VPOD e Garant, e la cumissiun da las dunnas da l'Uniun sindicala. Per Pierre-Yves Maillard eran s'exprimids il sindicat commember il pli grond, la Unia, però era Syndicom ed il sindicat dal persunal da traffic SEV.
RR novitads 15:00