«Cockpit», il sindicat dals pilots ha appellà da far chauma enfin gievgia. Oriundamain eri planisà da far chauma mo oz. Radund 100'000 passagiers èn pertutgads da la 14avla chauma dals pilots da la Lufthansa. En tut vegnan stritgads bun 876 sgols. Quai è bunamain mintga segund sgol da la marca principala dal concern. Er damaun sajan tut ils sgols a distanza lunga ed a distanza curta pertutgads da la chauma, ha ditg in pledader dal sindicat dals pilots. Ils bun 5'400 pilots pretendan dapli paja.
RR novitads 6:00