Siglir tar il cuntegn

Header

video
La partenza da la Chandrayaan-3 (engl.)
Or da News-Clip dals 14.07.2023.
laschar ir. Durada: 30 Secundas.
cuntegn

Pir sco quart pajais Sonda da l'India è atterrada sin la glina

La missiun da glina da l'India è in success. La sonda autonoma, che n'è betg equipada, saja atterrada al pol dal sid da la glina. Quai ha communitgà l'autoritad astronautica indica. La sonda «Chandrayaan-3» era dapi mez fanadur sin via.

La sonda duai las proximas duas emnas perscrutar la vart sid da la glina. Là vegn supponì ch'i dat craters cun glatsch d'aua.

Pir la quarta naziun

Enfin uss avevan mo ils Stadis Unids, la China e l'anteriura Uniun sovietica dumagnà d'atterrar sin la glina.

Quai è la segunda giada che l'India ha tramess ina sonda en direcziun da la glina. Avant quatter onns aveva ella fatg naufragi. Avant quatter onns n'èsi a la Russia betg gartegià dad atterrar ina sonda sin la glina.

RTR novitads 15:00

Artitgels legids il pli savens

Scrollar a sanestra Scrollar a dretga