A las demonstraziuns en Germania èn pli paucas persunas sa participadas che quai ch’ils organisaturs quintavan. Uschia ha la demonstraziun principala a Berlin attratg circa 30’000 persunas, a Cologna 10’000, a Hamburg 6’000 ed a Frankfurt 5’000, quai tenor indicaziuns da la polizia. Ils organisaturs quintavan cun var 100’000 persunas sulet a Berlin.
Commerzi mundial fair
Las protestas sa drizzan cunter las duas cunvegnas cun il Canada (Ceta) ed ils Stadis Unids (TTIP). Appellà a las demonstraziuns sut il motto «Franà Ceta e TTIP per in commerzi mundial fair» han numerusas organisaziun da consuments, associaziuns da l'ambient, sindicats e baselgias sco era las partidas da la sanestra.
La cumissaria da l'Uniun europeica Cecilia Malmström ha en la gasetta crititgà ils adversaris da TTIP. «Blers dals adversaris na sa tegnian betg vid la vardad ed ils fatgs» ha ditg Malmström a la gasetta tudestga «Bild». En questa debatta davart il TTIP e Ceta dettia quai bleras malchapientschas e manzegnas.
RR novitads 14:00