Planisà attentats sin EURO 2016

En l'Ucraina han las forzas da segirezza arrestà in um suspectus ch'ha para planisà pliras attatgas sin il campiunadi europeic da ballape en Frantscha.

Forzas da segirezza arresteschan l'attentader supponì a Kiew, Ucraina. Bild in Lightbox öffnen.

Legenda da maletgs: Forzas da segirezza arresteschan l'attentader supponì a Kiew, Ucraina. Keystone

Strusch in’emna avant ch’il campiunadi europeic da ballape cumenza, han ils servetschs secrets arrestà in um ch’aveva para planisà 15 attentats sin l’EURO en Frantscha. Sco il servetsch secret da l’Ucraina annunzia, saja in um franzos vegni arrestà a Kiew.

L’um aveva para prendì si contact cun gruppaziuns militantas en l’Ucraina per cumprar armas e muniziun. Para aveva l’um 125 kilos dinamit e pliras armas sin el cura ch’el è vegnì arrestà da la polizia.

Ina part da las armas avevi il servetsch sez vendì al suspectus, quai per pudair la finala arrestar el. Quai ha communitgà il servetsch secret da l’Ucraina.

RR novitads 14:00