Dus procuraturs publics, in da Washington ed ina da Maryland han communablamain purta plant cunter Donald Trump, quai han communitgà ils dus procuraturs publics.
Trump saja s'enritgì a moda nunlubida. El haja duvrà ses uffizi da president per interess commerzials. Concret sa basa il plant sin il «Trump International Hotel» che sa chatta datiers da la Chasa alva a Washington. Quai hotel saja fitg populars tar commembers da regenzas estras.
Il plant sa referescha sin rapports da medias. Tenor quellas sajan diplomats dal Orient Proxim e da l'Asia sa chasads là per sa far bainvis tar Trump.
RR novitads 23:00