Siglir tar il cuntegn
Inhalt

Exteriur Plant cunter schef da Tesla Elon Musk

La surveglianza da la bursa americana SEC ha inoltrà plant cunter il schef dal concern Tesla, Elon Musk. Ad el vegn renfatschà d’avair fatg l'avust indicaziuns engianusas e falladas, citescha l'agentura da novitads SDA ord l'acccusaziun da la surveglianza.

Portrait.
Legenda: Elon Musk, il fundatur da Tesla, tar ina preschentaziun da ses project SpaceX. Keystone

Il schef dal concern Tesla sa defenda: Ad in emettur da televisiun american ha Elon Musk ditg che l’accusaziun na saja betg giustifitgada. El haja agi en favur da la transparenza e dals investiders.

L’avust aveva Musk annunzia via twitter che l’interpresa vegnia a reprender las aczias da la bursa cura che quellas surpassan ina valita da 420 dollars e causà uschia ina panica a la bursa:

Il tweet dispitaivel dad Elon Musk:

En in scriver als collavuraturs ha Musk communitgà silsuenter che quai na saja però anc betg ina decisiun definitiva. El craja dentant ch'i fiss la meglra schliaziun.

Perquai hai dà plirs plants collectivs. Tenor indicaziuns da medias examinescha era il ministeri da giustia in plant.

RR novitads 06:00