En ses salid da Bumaun ha il papa Francestg propagà dapli pasch sin quest mund, quest giavisch valia surtut per la populaziun dal Jemen. I dovria dapli solidaritad per la populaziun dal Jemen che pateschia pervi da la violenza e la guerra. El pensia fitg intensiv vi dals uffants che pateschian, ha ditg il papa Francestg en ina oraziun.
Oraziun via internet
Pervia da las mesiras èran las festas ecclesiasticas limitadas. La plazza davant il dom da Son Peder a Roma era vida e bletscha. L'oraziun è vegnida registrada en la biblioteca dal palazi apostolic. Il video è vegnì transmess sur l'internet.
Ord l'archiv da SRF
video
«Urbi et orbi» a Roma
Or da News-Clip dals 25.12.2020.
laschar ir. Durada: 51 Secundas.
