Siglir tar il cuntegn

Exteriur Pleds da Bumaun: Macron europeic, Trump provocativ

Ils schefs da stadi e regenza han beneventà l'onn 2018 cun pleds admonints e appels.

Il president franzos Emmanuel Macron durant ses pled da Bumaun
Legenda: Il president franzos, Emmanuel Macron, vul dapli ambiziuns en l'Europa. Keystone
  • Il president franzos Emmanuel Macron ha ditg che l'Europa stoppia puspè avair las ambiziuns da promover projects gronds.
  • La primministra da la Gronda Britannia, Theresa May ha en ses pled da Bumaun empermess da sortir cun success ord l'UE e che l'economia vegn rinforzada.
  • En la Russia ha il president Wladimir Putin appellà a la populaziun da sa tegnair ensemen pli fitg tranter las generaziuns
  • Il president american Donald Trump ha giavischà via twitter in bun onn nov a ses amis, inimis e schizunt a las medias da fake-news manzegnusas.
  • En la Corea dal nord ha Kim Jong Un suttastritgà ch'el veglia far avanzar il rearmament atomar dal pajais ed ha er avertì d'ina attatga atomara. Il nuv d'atom saja adina sin sia maisa ha declerà Kim. Quai na saja nagin squitsch mabain la realitad.
  • Il papa Francestg ha guardà enavos cun pleds critics sin l'onn 2017. Quel hajan ils umans sfarlattà en plirs reguards, cun acts da la mort, cun manzignas e malgistadads. Uschia ha ditg il pontifex ad ina messa en il dom da son Peder.
  • En la Germania ha la chanceliera Angela Merkel empermess da furmar bainbaud ina regenza stabila.
  • Il secretari general da l'ONU Antonio Guterres ha proclamà il stgalim d'alarm «cotschen» per nos planet - quai en connex un ils conflicts ed ils privels globals. Anc mai suenter la fin da la guerra fraida sajan ils quitads uschè gronds pervia da las armas atomaras - ha Guterres ditg a New York.

RR novitads 06:00