Il nov preventiv dettia dapli spazi per reagir sin expensas imprevisiblas, ha declerà Märt Kivine, il secretari da stadi da finanzas da l'Estonia, il pajais che ha quest onn il presidi da l'UE.
Promoziun da svilup e d'occupaziun
Er il proxim onn san radund 20,1 milliardas euros vegnir impundidas per promover il svilup e l'occupaziun da lavur. Per exempel duajan l'auter onn dapli daners vegnir investids en il project da perscrutaziun Horizon 2020, en l'extensiun dal transport transeuropeic, en il sectur d'energia e communicaziun ed en il program da barat da giuvenils Erasmus.
Per sustegnair purs europeics stattan 56 milliardas euros a disposiziun. Ulteriuras autas summas ein prevesidas per la protecziun dals cunfins exteriurs europeics sco èr per la politica da migraziun.
Pli pauc sustegn finanzial per la Tirchia
La Tirchia duai dentant retschaiver pli pauc sustegn che planisà oriundamain – almain en sia rolla sco candidata per entrar en l'UE. Cumpareglià cun l'emprima skizza da la cumissiun è il sustegn vegnì scursanids per 105 milliuns euros.
RR novitads 11:00