En l'Italia vegni probablamain dapli persunas a sa participar a las actualas elecziuns parlamentaras che tar las davosas elecziuns: La dumengia da mezdi avevan 19% da las persunas cun dretg d'eleger votà.
Tar las davosas elecziuns parlamentaras, il 2013, avevan mo 14,9% votà fin mezdi. La differenza è dentant ch'ins pudeva betg mo votar la dumengia, mabain er il glindesdi. Questa giada èn las radund 46,5 milliuns persunas envidadas da dar giu lur vusch fin la dumengia saira las 11. Ils emprims resultats vegni a dar il glindesdi.
RR novitads 18:00