Siglir tar il cuntegn

Header

cuntegn

Exteriur Pli chaud schaner dapi passa 140 onns

muntognas cun naiv e bler sulegl
Legenda: Dapi passa in tschientaner n'è il schaner betg stà uschè chaud pli, communitgescha il servetsch meteorologic american. Keystone

Il schaner è stà sin l'entir mund il pli chaud schaner dapi il cumenzament da las mesiraziuns avant 141 onns. Quai communitgescha il servetsch meteorologic american. Il schaner 2020 è numnadamain stà per 1,14° celsius sur la media (12,0°) dal 20avel tschientaner.

Uschia cuntinuescha il trend da las temperaturas pli chaudas dals ultims onns. 10 dals schaners ils pli chauds èn mesirads aifer ils ultims 18 onns, 4 dals pli chauds aifer ils ultims 4 onns.

L'emna passada aveva il program da Copernicus europeic gia declerà ch'il schaner saja il pli chaud mesirà en l'Europa - e stgars era sin l'entir mund dapi sias registraziuns (1981).

Ord l'archiv

Il midament dal clima è in fatg. I vegn adina pli chaud, e quai, sin l'entir mund. A Tavau èn las temperaturas s'augmentadas per 1,7 grads celsius ils ultims tschintg decennis.

RTR novitads 08:00

Artitgels legids il pli savens

Scrollar a sanestra Scrollar a dretga