Dus fieus che furieschan en il nord da la California èn s'extendids e creschids ensemen. Tenor las autoritads èn els daventads il pli grond brischament da guaud en l'istorgia dal stadi federativ. El ha destruì ina surfatscha da radund 1149 kilometers quadrats. Quai correspunda a la surfatscha da la metropola da Los Angeles u duas giadas quella dal Lai da Constanza.
L'incendi surpassa er las dimensiuns da l'incendi da Thomas en il sid da la California ch'aveva rut l'onn passà il record da fin qua.
Mo stgars in terz dal fieu saja actualmain sut controlla. Fin ussa èn duas persunas mortas en las flommas. Millis da pumpiers èn en acziun per cumbatter las flommas en la California.
RR novitads 09:00
