Nestlé vul reducir il cuntegn da zutger en ses products. Fin l’onn 2020 vul il concern da nutriment reducir il cuntegn per 5% en l’Europa. Uschia spargna il pli grond concern da nutriment dal mund 18'000 tonnas zutger.
En la Germania ha Nestlé gia reducì il cuntegn da zutger per 6% dapi l’onn 2014. Ils proxims onns duaja quel sa reducir per ulteriurs 5% en l’entira Europa. Quai ha communitgà il concern svizzer. Grazia ad ina nova receptura per in tschigulattin haja il concern gia spargnà 235 tonnas al martgà tudestg. Tenor Nestlé correspundia quai a 1’500 bogneras plainas. Davart las cifras actualas en Svizra n’ha il concern da nutriment fatg naginas indicaziuns.
RR novitads 12:00