Exteriur - Plirs morts e blers sparids suenter explosiun da gas
L'explosiun da gas en la citad russa Magnitogorsk ha custà la vita ad almain 7 persunas, probabel anc a dapli. Damai che 37 persunas valan anc sco sparidas. Quai rapporta l'agentura da novitads Tass e sa basa sin indicaziuns dal ministeri da la protecziun civila.
Forzas da salvament hajan chattà la notg ulteriuras baras en las ruinas suenter che l'entrada da la chasa da 10 auzadas è dada ensemen. 25 abitaziuns èn vegnidas devastadas dal tut e 10 per part. 37 persunas valan anc sco sparidas.
Tar temperaturas da 27 grads minus la notg e 19 grads minus durant il di tschertgan salvaders eventuals survivents. Igl è in cumbat cunter il temp, tar talas temperaturas pudessan ils survivents murir dal fraid.
