Legenda:
Ils policists sa repartan datiers dal lieu d'ina da las explosiuns per cumbatter ils attatgaders.
Keystone
cuntegn
Exteriur - Plirs morts tar attatga en l'Indonesia
Tar pliras explosiuns en il center da la chapitala da l’Indonesia Jakarta èn almain set persunas mortas, quai rapporta la polizia. Dasper ils 5 attatgaders supponids sajan er mortas ina persuna civila da l'Indonesia ed ina da l'Ollanda.
Tenor la polizia sajan simpatisants da l'organisaziun terroristica Stadi Islamic responsabels per quest'attatga. Tschintg attentaders hajan attatgà oz en damaun in café ed auters lieus en il center da Jakarta. Els hajan mazzà duas persunas. Dus dals attentaders sajan sa siglientads en l'aria, scriva la polizia. Ils auters trais sajan morts durant sajettadas cun la polizia.
