Siglir tar il cuntegn

Header

cuntegn

Exteriur Plirs morts tar attentat cun bumba a Damascus

En la chapitala da la Siria Damascus è in attentader da suicidi sa siglientà en l'aria e mazzà pliras persunas. L'attatga è succedida en ina part da la citad, nua che differents bajetgs da la regenza sa chattan. Quai ha il ministeri da l'intern sirian communitgà.

Surpiglià la responsabladad per l'attatga ha la milissa terroristica Stadi islamic. L’attentader sa chattava en in auto ed è sa siglientà en l’aria ensemen cun quel datiers d’in post da polizia.

Davart il dumber d’unfrendas datti differentas indicaziuns. Il post d'observaziun per dretgs umans en la Siria discurra dad 8 morts e 20 blessads. Il Stadi Islamic numnà il dumber da 20 unfrendas ed almain 40 blessads.

RR novitads 16:00

Artitgels legids il pli savens