Siglir tar il cuntegn

Header

Navigaziun

center da cumpra a Florida
Legenda: En quest center da cumpra hai dà la sajettada mortala. Keystone
cuntegn

Exteriur Plirs morts tar sajettada a Florida

A Jacksonville en il stadi american Florida èn 2 persunas vegnidas mazzadas entras sajets durant ina concurrenza da gieus da video. Er l'attatgader sez saja morts. Quai ha confermà la polizia.

In um haja sajettà enturn durant in turnier da gaming a Jacksonville en in center da cumpras e mazzà duas persunas. 11 persunas èn vegnidas blessadas. 9 dad els èn vegnids ferids da sajets ed ulteriurs dus èn sa blessads cun fugir.

Er l'attatgader sez saja mort – el haja sajettà sasez, ha communitgà la polizia. Tar l'attatgader duaja sa tractar d'in giuven da 24 onns ch'haja fatg part dal turnier da gaming.

RR novitads 22:00