Siglir tar il cuntegn

Exteriur Plum en tagliarins – Nestlé sto quintar cun in plant

Las autoritads indicas per la segirezza da nutriment vulan citar avant dretgira penala Nestlé. Quai suenter ch’ins ha chattà ina concentraziun privlusa da plum en ils tagliarins instant da la marca Maggi. Nestlé refusa las rinfatschas.

Il signet da Nestlé.
Legenda: Las autoritads da l'India vulan citar Nestlé avant dretgira. Keystone

Il plum è vegnì chattà tar provas da controllas il mars. L’analisa dals tagliarins aveva ultra da quai era mussà ch’ellas cuntegnan glutamat monosodic, ina materia ch’è tenor las autoritads nuschaivla per la sanadad.

Chasti e praschun smanatscha

Las autoritads han declerà la dumengia, ch’ellas hajan purtà plant tar ina dretgira locala cunter Nestlé India pervia da betg avair declerar correct las ingredienzas. L’emprima audiziun duai esser il glindesdi. En cas d'ina sentenzia smanatscha al concern in chasti ed a las persunas responsablas ina paina da praschun.

Nestlé renviescha las rinfatschas e vul cumprovar cun atgnas analisas che lur decleraziuns da las ingredienzas sajan correctas.