Siglir tar il cuntegn
Inhalt

Exteriur Policists arrestads pervia dals 68 morts en la Venezuela

En connex cun la revolta da praschuniers en la Venezuela èn tschintg auts emploiads da la polizia vegnids arrestads.

Polizia.
Legenda: Er il schef da la polizia dal stadi federativ Carabobo è vegnì arrestà, Keystone

Tranter ils tschintg policists ch'èn vegnids arretads en connex cun la revolta da praschuniers en la venezuela, ch'ha gì per consequenza 68 morts, è er il schef da la polizia dal stadi federativ Carabobo.

Morts vid tissientada da fim ed arsentadas

La mesemna èn 68 persunas mortas pervia d'ina revolta da praschuniers. Tenor emprimas examinaziuns hajan ils praschuniers brischà matrazas per sfurzar dad avrir las cellas. Las unfrendas èn sinaquai mortas vid ina tissientada da fim ed arsentadas.

L'autoritad per dretgs umans da las Naziuns Unidas aveva sinaquai pretendì ch'ils responsabels sin il revier da polizia vegnian numnads e purtads davant dretgira. Las cundiziuns d'arrest en il pajais stoppian finalmain sa meglierar.

Revoltas en Venezuela

I sa tracta da la segund gronda revolta en la Venezuela. Il 1994 eran 108 persunas mortas en la regiun Zulia.

RR novitads 18:00