Siglir tar il cuntegn
cuntegn

Exteriur Polizia cumbatta «Gilets Jaunes» cun gas lacrimogen

A Paris han las demonstraziuns dal moviment «Gilets Jaunes» (vestas melnas) cuntanschì Les Champs Élysées. La polizia ha empruvà da sparter ils demonstrants cun gas lacrimogen e bittaders d'aua.

impressiun durant demonstraziun sin Les Champs Élysées.
Legenda: «Gilets jaunes» vegnan ils demonstrants numnads. Els portan las vestas melnas ch'èn en mintga auto da l'UE. Keystone

Il moviment «Gilets Jaunes» cumbatta ils pretschs auts per benzin e diesel. Dapi la damaun han demonstrants bloccà vias, tancadis e centers da cumpra en l'entira Frantscha. Els han er annunzià da vulair paralisar la chapitala franzosa.

Tenor rapports da medias hajan las autoritads mobilisà 5'000 policists. Il decurs dal di spetgan las autoritads millis demonstrants.

Critica a «politica per ils ritgs» da Macron

Davos ils «Gilets Jaunes» na stat nagina partida u sindicat. Il moviment è naschì en las raits socialas. Sper ils pretschs auts per benzin e diesel crititgeschan ils demonstrants er la politica dal president Macron. Tenor els è quella ina politica «per ils ritgs».

RR novitads 12:00