Siglir tar il cuntegn

Header

Policists svedais.
Legenda: Las grondas fullas da glieud als festivals da musica han para engrevgià la lavur da la polizia svedaisa. Reuters
cuntegn

Exteriur Polizia en Svezia ha zuppentà cas d'abus sexuals

Suenter che la polizia da la citad tudestga Cologna ha concedì d’avair zuppentà abus sexuals tras umens giuvens da l’exteriur, ha er la polizia svedaisa concedi d’avair zuppentà sumegliants cas d’abus sexuals durant festivals da musica. Tranter quests cas sa chattan era duas violaziuns.

Durant festivals da musica a Stockholm l’avust 2014 e 2015 haja quai dà 38 annunzias d’abus sexuals tras umens da l’exteriur, han communitgà las autoritads il glindesdi.

Polizia admetta sbagl

Las infurmaziuns avessan stuì vegnir publitgadas. Ma la polizia haja sulet communitgà ch’i haja dà paucs delicts, communitgescha la polizia svedaisa. Il dumber d’arrests effectiv n’è mai vegnì nudà. Er n’ha quai dà naginas sentenzias.

Primminister da Svezia è grittentà

Il primminister svedais Stefan Löfven ha reagì grittentà sin questa scuverta. El sentia ina «gronda gritta» perquai che dunnas giuvnas na possian betg visitar in festival da musica, «senza vegnir mulestadas u attatgadas». Las zuppentadas da la polizia saja «in problem democratic per il pajais», uschia Löfven.

RR novitads 06:00

sda/alb

Artitgels legì il pli savens

Nach links scrollen Nach rechts scrollen