Siglir tar il cuntegn

Header

policists avant moschea al-aksa
Legenda: Archiv: La polizia israeliana ha agì cunter muslims en la moschea Al-Aksa. Keystone
cuntegn

Exteriur Polizia israeliana penetrescha en moschea al-Aksa

En l'ost da Jerusalem ha la polizia stuì intervegnir cunter muslims en la moschea Al-Aksa. Ils policists hajan empruvà da serrar las portas principalas, per ch'els na vegnian betg pli attatgads cun crappa e petardas, ha ditg in pledader da la polizia.

En la moschea eran demonstrants muslims sa barricadads. Las charplinas avevan cumenzà la notg passada, cura che gidieus radicals avevan empruvà dad urar sin il Munt dal tempel. Quai è scumandà ad els cura che tant gidieus sco muslims han il dretg d'entrar sin il Munt dal tempel.

La moschea Al-Aksa è il terz impurtant sanctuari per ils muslims, suenter Mekka e Medina. Per ils gidieus è il lieu medemamain sontg perquai che la moschea è vegnida erigida sin in tempel gidieu ch'era vegnì destruì l'onn 70.

RR novitads 12:00

Artitgels legids il pli savens

Scrollar a sanestra Scrollar a dretga