Siglir tar il cuntegn
cuntegn

Exteriur Polizia: Mesiras da segirezza a Nizza eran adequatas

Las mesiras da segirezza sin la promenada da Nizza eran adequatas. Quai mussa ina investigaziun da la polizia.

Policist grev armà il di suenter l’attentat a Nizza.
Legenda: Policist grev armà il di suenter l’attentat a Nizza. Reuters

La dispita davart eventuals mancos da segirezza sa basia sin ina interpretaziun sbagliada da las infurmaziuns, hai gì num. La dispita ha cumenzà curt suenter l'attentat sin la promenada da Nizza, nua ch'in um è charrà avant bun duas emnas cun in camiun en ina fulla da persunas ed uschia mazzà 84 persunas.

Purtà plant cunter autoritads

Il mardi è vegnì enconuschent che confamigliars da las unfrendas da l'attentat da Nizza han purtà plant cunter la Frantscha e las autoritads da Nizza. Els han crititgà che las mesiras da segirezza sin la promenada sajan stadas insuffizientas.

Fin ussa haja dà quatter plants, ha ditg il procuratur public da Nizza Jean-Michel Pretre. Critichers renfatschan a las autoritads, tranter auter, che blocs da betun a l'entschatta da la zona da peduns hajan mancà.

RR novitads 20:00