Polizia retegn 1'700 fugitivs en l'Eurotunnel

Danovamain s'augmentan las tensiuns a l'entrada da l'Eurotunnel tranter la Frantscha e l'Engalterra. La notg passada han 1'700 persunas empruvà da fugir tras il tunnel per cuntanscher l'insla britannica. Tenor la polizia sajan millis migrants vegnids retegnids, 700 hajan ins pudì tschiffar.

trais giuvens stgarpan giu ina saiv da fier per entrar en l'areal da l'Eurotunnel a Calais Bild in Lightbox öffnen.

Legenda da maletgs: Tschients migrants emprovan mintga notg d'entrar en l'areal da l'Eurotunnel a Calais. Keystone

Cumpareglià cun la fin d'emna è s'augmentà marcantamain il dumber dals migrants ch'emprovan dad ir tras il tunnel sut il Chanal da la mongia. Cun dapli policists han ins registrà la sonda e la dumengia sulet 300 fin 400 emprovas da fugir tras il tunnel.

RR novitads 14:00