Siglir tar il cuntegn

Exteriur Polizia sajetta giu um armà en in kino a Hessen

L’um saja sa zuppa cun mascra ed arma en in kino en la citad da Viernheim, en la vischinanza da Mannheim. El haja fatg l’impressiun dad esser irrità.

Polizia e passants datiers dal kino pertutgà.
Legenda: Polizia e passants datiers dal kino pertutgà. Keystone

L'um saja probabel entrà enturn las 15:00 en il center da kinos, rapportan la gasetta «Bild» e la «Frankfurter Allgemeine Zeitung» sin lur paginas d'internet. Perditgas discurran da quatter sajets.

Entant ha il minister da l'intern da Hessen, Peter Beuth, ditg che l'um suspectà saja mort.

Er la polizia ha confermà quai e ditg che l'um avevi prendì ostagis en in kino. Tut ils ostagis sajan vegnids deliberads. Nagin na saja blessà. La polizia haja sajettà giu l'um. Indicaziuns uffizialas davart l’identitad u ils motivs da l’um na datti anc betg.

RR novitads 18:00