Siglir tar il cuntegn

Exteriur Polizia taliana arresta dus cuntrabandists supponids

La polizia taliana ha arrestà dus cuntrabandists da persunas probabels. Els hajan navigà ina gronda bartga cun 400 fugitivs a bord fin ad auas talianas.

fugitivs en ina bartga
Legenda: Adina puspè ristgan fugitivs da murir sin il viadi dal continent african vers l'Italia. Keystone

En il magasin da la bartga haja la polizia chattà las baras da 16 persunas. Ellas sajan mortas pervi da las svapurs, rapportan las autoritads. La procura publica taliana renfatscha als cuntrabandists tranter auter mazzament en plirs cas. Ils suspectads derivan probabel da la Nigeria u la Somalia.

Ils fugitivs survivents ha la marina irlandaisa transportà en la citad da Vibo Valentina en la Calabria (I). En tut eran 622 persunas a bord.

RR novitads 11:00