Siglir tar il cuntegn

Header

massa persunas che protesteschan, la polizia emprova da tegnair enavos la glieud
Legenda: L'assagl da la redacziun ha provotgà protests vehements. Keystone
cuntegn

Exteriur Polizia tirca schlia demonstraziun cun gas lacrimogen

La polizia tirca ha schlià ad Istanbul ina demonstraziun avant il bajetg da redacziun da la gasetta Zaman. Radund 500 persunas èn vegnidas spaventadas cun gas lacrimogen, bittaders d'aua e projectils da gumma.

La demonstraziun sa drizza cunter la regenza tirca che ha surpiglià la sonda la controlla da la gasetta ch'è critica envers la regenza. Curt avant mesanotg aveva la polizia occupà la redacziun.

Critica internaziunala

Cun ses agir ha la Tirchia provotgà critica. La Tirchia saja vidlonder da perder ina schanza istorica da s'avischinar a l'Uniun Europeica ha ditg il president dal parlament europeic Martin Schulz en in'intervista. El ha annunzià da vulair discurer il tema cun il primminister tirc Ahmet Davutoglu, e quai directamain avant l'inscunter suprem da l'UE.

Er ils Stadis Unids han crititgà la decisiun da las autoritads tircas da metter sut controlla statala la pli gronda gasetta dal pajais. Amnesty International ha numnà l'acziun in culp cunter la libertad da pressa.

RR novitads 21:00

sda/hs

Artitgels legì il pli savens

Nach links scrollen Nach rechts scrollen