La polizia grecca ha cumenzà a transferir ils fugitivs dal champ ad Idomeni al cunfin cun la Macedonia en auters champs da fugitivs en il center dal pajais. Sco la polizia rapporta sajan enfin 20 bus a disposiziun.
Fugitivs na vulan betg
Sco in emettur da televisiun grec rapporta hajan enfin uss sulet 600 dals 12'000 fugitivs nizzegià l’offerta. Blers fugitivs refusian da bandunar il champ. Il mument saja il dumber da fugitivs ch’arrivan da la Tirchia envers la Grezia sa sminuì. Ier sajan anc 78 persunas arrivadas. Il di avant eran quai anc 161 persunas, rapportan las autoritads greccas.
RR novitads 16:00