Legenda:
Il parlament da la Pologna ha approvà la nova lescha da medias.
Keystone
cuntegn
Exteriur - Pologna: 4 directurs da televisiun bittan fautsch en il chanvà
Suenter ch'il parlament en Pologna ha approvà la nova e dispitaivla lescha da medias han ils directurs da quatter emetturs da televisiun statals annunzià lur demissiuns, quai rapporta la «Gazeta Wyborcza». Da raschun ina mesira preventiva avant da vegnir relaschads.
Tenor la nova lescha da medias en Pologna duain ils mandats dals cussegls da surveglianza ed ils commembers da suprastanza da televisiuns e radios statals scader.
En l'avegnir duai il minister dal tresor decider tgi che daventa directur da las medias dal dretg public.
Cunter la lescha che dovra anc la suttascripziun dal president Andrzey Duda, hai gia dà protests da gruppaziuns per il dretg dals umans ed associaziuns da schurnalists.
