Siglir tar il cuntegn

Header

cuntegn

Pologna Andrzej Duda resta president

En la Pologna ha il president en uffizi Andrzej Duda gudagnà l’elecziun decisiva, quai ha communitgà la cumissiun electorala a Warschau.

Suenter che quasi tut las vuschs èn dumbradas, vegn il politicher naziunal-conservativ sin 51,2 pertschient. Ses concurrent liberal Rafal Trzaskowski survegn 48,8 pertschient da las vuschs.

Il stretg resultat mussa ils gronds foss culturals en quest pajais da l’Uniun europeica. En ina campagna per il president actual Duda eran s’alliads la regenza, las medias statalas e la baselgia catolica ch’ha gronda influenza.

La participaziun a l'elecziun en la Pologna ha muntà a 68 pertschient. Il resultat definitiv vegn spetgà en il decurs dal di.

RTR novitads 11:00

Artitgels legids il pli savens