Il minister da l'exteriur american, Mike Pompeo ha refusà la decleraziun ch'il servetsch secret american CIA haja mussaments ch'il prinzi ereditar da l'Arabia Saudita saja involvì en il mazzament dal schurnalist Jamal Khashoggi.
El haja legì tuttas infurmaziuns dal servetsch secret en connex cun quest cas ha ditg Pompeo. I na dettia nagin parairi direct che Mohammen bin Salman saja implitgà. Er il president american ha accentuà avant paucs dis che la CIA na saja betg vegnida ad ina conclusiun definitiva.
