Omaduas varts han uschia realisà quest punct da la cunvegna da Minsk. L'armistizi ch'è medemamain vegnì concludì a Minsk para da tegnair vinavant, malgrà che omaduas varts rinfatschan adina puspè ina a l'autra da cuntrafar a quel.
Dapi ch'ils cumbats han cumenzà l'avrigl passà èn prest 6000 persunas vegnidas mazzadas. Passa in milliun persunas èn fugidas ord la regiun.
USA fan manevers en il Balticum
Entant ha il ministeri da defensiun dals Stadis Unids da l’America communitgà da transferir en tut 3000 schuldads d’infantaria per manevers da 3 mais en il Balticum. Quasi 750 vehichels, tranter quels chars armads da cumbat, sco er equipament militar saja gia arrivà per bastiment en la chapitala da la Lettonia, Riga.
Pajais baltics han tema
Tenor il Pentagon duajan ils exercizis demonstrar als alliads da la NATO, Lettonia, Lituania ed Estonia la solidaritad da l'allianza dal vest. Silsuenter vulan ils Stadis unids laschar enavos ina part da lur equipament militar. Ils pajais baltics teman ch'i smanatschi ad els in sumegliant destin sco a l'Ucraina.
RR novitads 06:00