Legenda:
Il president da l'Ucraina, Petro Poroschenko.
Keystone
cuntegn
Exteriur - Poroschenko pretenda che la Russia retira sias truppas
Il president ucranais Petro Poroschenko pretenda che la Russia retira sias truppas or da l'ost da l'Ucraina. La guerra saja pir a fin, cura che las truppas d'occupaziun russas sajan sa retratgas, ha ditg Poroschenko envers la gasetta «Die Welt».
Il mument sajan 9100 schuldads russ en l'Ucraina. Malgrà las stentas diplomaticas giavischa Poroschenko ch'il Vest furneschia armas a l'Ucraina. En vista al fatg che l'armistizi en l'Ucraina da l'Ost vegn pli u main respectà, sa mussa el levamain optimistic.
