Exteriur - Poroschenko renconuscha cunvegna da Minsk
Il president ucranais Petro Poroschenko ha pronunzià l’impurtanza da la cunvegna da Minsk per l’armistizi en Ucraina da l’ost. I na dettia nagina alternativa tar la cunvegna da Minsk ha Poroschenko ditg suenter l’inscunter cun la chanceliera tudestga Angela Merkel.
Entant rinfatscha Poroschenko als separatists sustegnids da la Russia da cuntrafar a la cunvegna. Quai pertutgia surtut la collavuraziun cun ils observaturs da l’organisaziun per la segirezza e collavuraziun en l’Europa OSCE ed er la retratga da las armas grevas. Plinavant sa lamenta il president ucranais che convois da la Russia arrivian en la regiun da conflict.
