Siglir tar il cuntegn
Inhalt

Exteriur Portugal elegia nov parlament

En il Portugal han cumenzà las elecziuns dal nov parlament. Passa 9,6 milliuns persunas èn clamadas a l'urna per eleger ils 230 deputads.

Pedro Passos Coelho
Legenda: L'allianza conservativa dal primminister Pedro Passos Coelho pudess far la cursa. Keystone

Tenor las ultimas retschertgas faschess l'allianza conservativa dal primminister Pedro Passos Coelho la cursa. El faschess 5% dapli vuschs che la partida socialistica da l'opposiziun.

La partida da Coelho pudess però perder la maioritad absoluta, quai che faschess pli grev la furmaziun dad ina nova regenza. Cun emprimas prognosas èsi da far quint questa saira. En il cumbat electoral gieva quai oravant tut per il program da spargn realisà dals conservativs.

RR novitads 11:00