Siglir tar il cuntegn

Header

la scriventa Nora Gomringer prelegia
Legenda: L'autura Nora Gomringer durant sia prelecziun avant la giuria. Keystone
cuntegn

Exteriur Premi Bachmann per in'autura svizra

L'autura Nora Gomringer gudogna il premi da litteratura Ingeborg Bachmann. La giuria a Klagenfurt en l'Austria ha laschà plaschair il meglier il text da la burgaisa dubla svizra e tudestga da 35 onns.

Quel descriva la retschertga d'in'autura en ina chasa da pliras famiglias davart la mort misteriusa in mat da 13 onns.

Il premi Ingeborg Bachmann è dotà cun 25'000 euros. Prendì part han 14 auturas ed auturs - uschia era il Svizzer Tim Krohn ch'abitescha en la Val Müstair.

In ulteriura svizra è vegnida onurada cun il premi da 3sat. Dana Grigorcea survegn uschia 7'500 euros per ses raquent «Das primäre Gefühl der Schuldlosigkeit». En questa istorgia raquenta l'autura da la vita actuala d'ina dunna en la Rumenia e quai sin fundament da regurdientschas d'uffanza e giuventetgna.

RR novitads 12:00

Artitgels legids il pli savens

Scrollar a sanestra Scrollar a dretga