Il premi Nobel per litteratura va quest onn al scriptur da la Tansania Abdulrazak Gurnah. Tenor l'Academia svedaisa a Stockholm survegnia Gurnah il premi per «tractar senza cumpromiss ed a moda empatica las consequenzas dal colonialissem ed il destin da fugitivs en il foss tranter culturas e continents». Gurnah viva oz en la Gronda Britannia. Gurnah scriva ses cudeschs en englias, è autur da 10 romans e scriva era novellas.
Ord l'archiv
Il pli ferm èn ils svizzers sco i para en las categorias medischina, chemia e fisica, sch'i va per il Premi Nobel. Pli pauc success han gì ils scripturs da la Svizra. Mo duas persunas han entant survegnì il Premi Nobel da litteratura: Hermann Hesse e Carl Friedrich Georg Spitteler. Hermann Hesse è dentant da naziunalitad dubla.
