Ils dus economs vegnan onurads per lur merits en connex cun la teoria da contracts, l’uschenumnada «Contract Theory». Lur lavur saja impurtanta per chapir constructs da contracts, per exempel da top-managers. Uschia l’argumentaziun da l’Academia roiala. Omadus economs vivan e lavuran en ils Stadis Unids: Holmström docescha al Massachusetts Institute of Technology (MIT) e Hart a la Harvard University.
Premi betg previs dad Alfred Nobel
Il premi da l'economia vegn surdà per la 48avla giada. Atgnamain n'è il premi per las scienzas economicas gnanc in premi Nobel. El na va en scadin cas betg enavos sin l'inventader dal dinamit Alfred Nobel. La banca centrala da la Svezia regala quest premi dapi il 1968 en regurdientscha da Nobel.
RR novitads 12:00