Il Premi Nobel da chemia va quest onn a duas dunnas, numnadamain a la Franzosa Emmanuelle Charpentier ed a l’Americana Jennifer A. Doudna. Las duas perscrutadras vegnian onuradas per avair sviluppà ina metoda da midar il genom d'animals, plantas e da micro-organissems a moda fitg precisa. Quai ha communitgà l’Academia roiala svedaisa a Stockholm. Il premi è dotà cun radund in milliun francs.
La uschenumnada «forsch da gens» haja revoluziunà las scienzas da vita moleculara, argumentescha il comité Nobel. Ella pussibiliteschia novas metodas per cultivar plantas, portia innovaziuns en la terapia da cancer e pudess laschar daventar realitad il siemi da curar malsognas ertaivlas.
audio
Zwei Frauen erhalten Nobelpreis für Chemie
ord Rendez-vous dals 07.10.2020.
Maletg: Reuters
laschar ir. Durada: 3 minutas 22 Secundas.